تاہم یہ واضح نہیں ہوسکا ہے کہ وہ کورونا وائرس سے متاثر تھا یا نہیں، صفدرجنگ انکلیو پولیس پورے معاملے کی جانچ کر رہی ہے۔
ڈی سی پی دیویندر آریہ کے مطابق صفدر جنگ انکلیو تھانے کو اطلاع موصول ہوئی تھی کہ کورونا کے ایک مریض نے ہسپتال کی ایس ایس بی بلڈنگ کی ساتویں منزل سے کود کر خود کشی کرلی ہے۔
پولیس موقع پر پہنچی، اور جانچ کی۔ہلاک ہونے والے شخص کی عمر 35 برس ہے وہ پنجاب کے بلچور میں واقع سییانا گاؤں کا رہنے والا تھا، وہ سڈنی میں رہتا تھا اور آج ہی وہ وہاں سے لوٹ کر آئی جی آئی ایئرپورٹ پہنچا تھا۔وہاں سے ابتدائی تفتیش کے بعد اسے صفدرجنگ ہسپتال بھیج دیا گیا تھا۔
گذشتہ رات 9 بجے ہسپتال پہنچنے پر اسے ایس ایس بی بلڈنگ میں بنائے گئے آئی سولیشن وارڈ میں رکھا گیا تھا، اس کے کورونا سے متاثر ہونے کا شک تھا جس کے لیے اس کی جانچ ہونی تھی، جانچ میں معلوم ہوا کہ وہ ایک سال سے سڈنی میں تھا، پولیس نے اس کی لاش کو پوسٹ مارٹم کے لیے بھیج دیا ہے، اس کی اطلاع اس شخص کے اہلخانہ کو دے دی گئی ہے۔
