اس تحقیق میں 115 سالوں کے اعداد و شمار (1901 سے 2015) کے استعمال سے پورے ملک میں بارش میں طویل المدتی نیز عارضی تبدیلیوں کا تجزیہ کے علاوہ پیش گوئی کی گئی ہے۔ اس نے 2035 ء تک بارش میں تبدیلی کی بھی پیش گوئی کی ہے۔ مقالہ میں پورے بھارت میں بارش کے انداز میں بدلاؤ کی وجوہات کی تحقیقات بھی شامل ہے ۔
اس ٹیم نے ملک کے چونتیس محکمہ موسمیات سب ڈویژنوں میں موسمی بارش (موسم سرما ، موسم گرما ، مون سون اور مون سون کے بعد) کے رجحان کا حساب لگانے کے لیے جدید طریقہ استعمال کیاہے۔ مصنوعی اعصابی نیٹ ورک-ملٹی لیئر پرسیپٹرن (اے این این-ایم ایل پی) کو پورے بھارت میں بارش کی پیشن گوئی کے لیے جانا جاتا ہے۔
شعبہ جغرافیہ کے محقق اور معاون پروفیسر عتیق الرحمن نے کہا کہ موجودہ مطالعے میں 1901 اور 1950 کے دوران بارش کے بڑھتے ہوئے رجحان کو ظاہر کیا گیا ہے ، ان کے مطابق 1951 کے بعد بارش کی نمایاں کمی دیکھنے میں آئی ہے ۔ بارش میں ایک نمایاں کمی مانسون کے موسم کے دوران بھارت کی بیشتر موسمیاتی محکموں میں کیا جاتا ہے۔ بارش کی مجموعی طور پر سالانہ اور موسمی تغیر مغربی بھارت کی سب ڈویژنوں میں سب سے زیادہ تھا ، جبکہ سب سے کم تغیر مشرقی اور شمالی بھارت میں پایا گیا۔
1970 کے بعد تقریبا سبھی سب ڈویژنوں میں منفی رجحان اور اعلی تغیرات کا پتہ چلا ہے۔ شمال مشرق ، جنوب اور مشرقی بھارت کی سب ڈویژنوں میں مجموعی طور پر سالانہ اور موسمی بارش نے نمایاں منفی رجحان دیکھا ہے ، جبکہ ہمالیہ بنگال ، گنگاٹک بنگال ، جموں و کشمیر ، کونکن اور گوا ، مدھیہ پردیش ، مہاراشٹر اور مراٹھواڑہ میں مثبت رجحان رہا۔ اس کے علاوہ ، 2030 کے لیے بارش کی پیش گوئی نے بھارت کی مجموعی بارش میں تقریبا 15 فیصد کی متوقع کمی کو ظاہر کیا۔
موجودہ مطالعہ آب و ہوا کی تبدیلی کے اس دور میں کافی حد تک اہم ہے جہاں بھارت سمیت پوری دنیا بارش کی تبدیلی کا سامنا کر رہی ہے۔ بھارت کی معیشت کا دارومدار زراعت پر ہے جس کا انحصار بارش پر ہوتا ہے۔ لہذا ، پانی کی دستیابی اور مستقبل میں پانی کی طلب میں اضافہ کی وجہ سے یہ مطالعہ بہت اہم ہے۔
