مزدوروں نے الزام لگایا ہے کہ اب یہاں کوئی کام نہیں ہو رہا ہے اور نہ ہی بلڈر ہمیں گھر جانے دے رہا ہے۔ راشن بھی بہت کم دیتا ہے، جس سے خاندان کا پیٹ نہیں بھر پاتا ہے۔ جس کی وجہ سے سارے مزدور گھر جانے کو تیار ہیں لیکن گھر جانے کی حکومت کی طرف سے اجازت نہیں ہے اور نہ ہی ٹھیکیدار ان کے گھر جانے کا کوئی بندوبست کررہا ہے۔ جس کی وجہ سے وہ سب پریشان ہیں۔
تمام مزدوروں نے اپنے اپنے گھر جانے کا مطالبہ کیا ہے۔ ان کا کہنا ہے کہ اگر وہ گھر پہنچ گئے تو کم از کم سوکھی روٹی کھا کر گزارا کر لیں گے لیکن گھر جانا بہت ضروری ہے۔
