لاک ڈاؤن کے چوتھے مرحلے میں نرمی کے بعد ریاست میں کورونا سے متاثرہ افراد کی تعداد میں مسلسل اضافہ ہورہا ہے۔ جمعرات کے روز گروگرام میں کورونا 68 نئے معاملے سامنے آئے ہیں۔
پورے ہریانہ میں کورونا کے سب سے زیادہ کیسز گروگرام دیکھنے کو مل رہے ہیں۔ جمعرات کے روز گروگرام میں کورونا انفیکشن 68 نئے معاملے کی تصدیق ہوئی ہے۔ ساتھ ہی کورونا سے ایک شخص کی موت بھی ہوئی ہے۔ جس کے بعد ضلع میں کورونا سے ہونے والی اموات کی تعداد تین ہوگئی ہے۔
واضح رہے جمعرات کے روز ہریانہ میں کورونا کے 123 نئے کیسز ریکارڈ کیے گئے تھے۔
اس سے قبل ایک دن میں اتنے معاملے درج نہیں کیے گئے تھے۔ ریاست میں کورونا مریضوں کی تعداد 1500 سے تجاوزکر چکی ہے۔
وہیں گروگرام میں کل متاثرہ مریضوں کی تعداد 405 ہے۔ ان میں سے 193 مریضوں کو ہسپتال سے فارغ کیا گیا ہے۔ ضلع میں اب 209 فعال کیسزہیں۔ تو وہیں کورونا سے اب تک تین افراد ہلاک ہوگئے ہیں۔
