قومی دارالحکومت دہلی میں گزشتہ 24 گھنٹے کے دوران کورونا وائرس کے 36 نئے متاثرین رپورٹ ہوئے ہیں اور مسلسل تیسرے دن کورونا وائرس کی وجہ سے کوئی مریض فوت نہیں ہوا۔
حکومت دہلی کی طرف سے جمعہ کے روز جاری ہونے والی ہیلتھ بلیٹن میں یہ اطلاع دی گئی ہے۔ کورونا وائرس کے 36 نئے متاثرین سامنے آنے کے بعد متاثرہ افراد کی کل تعداد بڑھ کر 1438154 ہوگئی اور اموات کی تعداد 25083 تک پہنچ گئی۔ دارالحکومت کے لیے یہ راحت کی بات رہی کہ رواں مہینے میں اب تک کورونا وائرس کی وجہ سے صرف ایک مریض کی موت ہوئی ہے۔
محکمہ صحت نے بتایا کہ دارالحکومت میں یومیہ انفیکشن کی شرح 0.05 فیصد ہوگئی ہے اور گزشتہ 24 گھنٹے میں کورونا وائرس کے 76883 نمونوں کی جانچ کی گئی ہے۔
دریں اثناء، اس مدت میں مزید 52 مریض کورونا وائرس سے شفایاب ہوگئے اور 105 افراد گھر پر قرنطینہ میں ہیں۔
یہ بھی پڑھیں: جوہر یونیورسٹی کی 70 ہیکٹرز اراضی آخر کار یوگی حکومت نے لے ہی لی
فی الحال دارالحکومت میں کورونا وائرس کے زیر علاج مریضوں کی تعداد 398 ہے۔ دارالحکومت میں مجموعی طور پر کورونا انفیکشن کی شرح 5.46 فیصد ہے اور شرح اموات 1.74 فیصد ریکارڈ کی گئی ہے۔
یو این آئی
