نئی دہلی: ملک میں گزشتہ 24 گھنٹے کے دوران دو ریاستوں اور ایک مرکز کے زیر انتظام علاقوں میں کورونا انفیکشن کے نئے معاملے سامنے آئے ہیں اور دیگر ریاستوں اور مرکز کے زیر انتظام علاقوں میں فعال معاملات میں کمی آئی ہے۔ کورونا کے سب سے زیادہ نئے کیس کرناٹک میں (18) اور دہلی (چار) میں آئے ہیں۔ صحت اور خاندانی بہبود کی مرکزی وزارت نے ہفتہ کو کہا کہ صبح 7 بجے تک 219.93 کروڑ سے زیادہ ویکسین دی گئی ہیں۔ گزشتہ 24 گھنٹوں میں ملک میں کورونا کے 75 ایکٹو کیسز میں کمی کے بعد ان کی تعداد کم ہو کر 4597 ہو گئی ہے۔ گزشتہ 24 گھنٹوں کے دوران ملک میں کورونا کے 251 نئے کیسز سامنے آئے ہیں اور اسی عرصے میں 325 افراد اس انفیکشن سے نجات حاصل کرچکے ہیں جنکی کل تعداد 4,41,37,942 ہو گئی ہے۔ ملک میں صحت یابی کی شرح 98.80 فیصد ہے۔ اسی عرصے میں کورونا وبا کے انفیکشن سے ایک مریض کی موت کے بعد مرنے والوں کی تعداد بڑھ کر 5,30,627 ہو گئی ہے۔ ایکٹو کیس کی شرح 0.1 فیصد ہے اور موت کی شرح 1.19 فیصد ہے۔ new Corona cases in India
قومی راجدھانی میں کورونا انفیکشن کے چار فعال کیسوں میں اضافے کے ساتھ ان کی کل تعداد 31 ہو گئی ہے۔ اس بیماری سے چھٹکارا پانے والوں کی تعداد 19,80,432 ہوگئی ہے۔ ریاست میں مرنے والوں کی تعداد 26,518 ہو گئی ہے۔ کیرالہ میں 18 فعال کیسوں کی کمی کے ساتھ، ان کی کل تعداد کم ہو کر 1,614 ہو گئی ہے۔ کورونا وبا سے صحت یاب ہونے والوں کی تعداد 67 لاکھ 53 ہزار 364 ہو گئی ہے اور مرنے والوں کی تعداد 71 ہزار 500 ہے۔ کرناٹک میں کورونا انفیکشن کے 18 ایکٹو کیسز کے اضافے کے ساتھ ان کی کل تعداد بڑھ کر 1,643 ہوگئی ہے۔ اس سے چھٹکارا پانے والوں کی کل تعداد 40,29,394 ہوگئی ہے اور مرنے والوں کی تعداد 40,303 پر مستحکم ہے۔
مہاراشٹر میں، 13 ایکٹو کیسز کم ہو کر 360 پر آ گئے ہیں۔ اس عرصے کے دوران 72 افراد کے صحت یاب ہونے کے بعد اس سے نجات پانے والوں کی مجموعی تعداد 79 لاکھ 87 ہزار 133 ہو گئی ہے۔ ریاست میں مرنے والوں کی تعداد 1,48,407 پر مستحکم ہے۔ تمل ناڈو میں کورونا کے 18 ایکٹو کیسز کم ہونے کے ساتھ ہی ان کی کل تعداد 160 پر آ گئی ہے۔ اس وبا سے صحت یاب ہونے والوں کی کل تعداد 35,55,964 ہو گئی ہے اور مرنے والوں کی تعداد 38,049 ہے۔ گجرات میں کورونا کے چار ایکٹو کیسز کم ہونے کے ساتھ ہی ان کی کل تعداد 197 پر آ گئی ہے۔ اس وبا سے صحت یاب ہونے والوں کی کل تعداد 1266219 ہو گئی ہے اور مرنے والوں کی تعداد 11043 ہے۔ اتر پردیش میں کورونا کے چھ کیسز کم ہونے سے ان کی تعداد کم ہو کر 116 ہو گئی ہے اور اس کے ساتھ ہی اب تک 21,04,288 لوگ کورونا سے ٹھیک ہو چکے ہیں جب کہ یہاں مرنے والوں کی تعداد 23,632 ہے۔
یہ بھی پڑھیں: Peru enters 5th Covid wave کووڈ وبا کی پانچویں لہر پیرو میں شروع
آندھرا پردیش میں گزشتہ 24 گھنٹوں میں کورونا کا ایک کیس سامنے آنے کے بعد متاثرہ افراد کی تعداد 11 ہو گئی ہے۔ اس وبا سے دو افراد کے صحت یاب ہونے کے بعد اب متاثرین کی تعداد 23,24,314 ہو گئی ہے اور مرنے والوں کی تعداد 14,733 ہو گئی ہے۔ یہ راحت کی بات ہے کہ مرکز کے زیر انتظام علاقوں انڈمان اور نکوبار جزائر، آسام، دادر اور نگر حویلی، دمن اور دیو، لکشدیپ، ناگالینڈ اور تریپورہ میں کورونا کا ایک بھی فعال کیس نہیں ہے۔ اس کے علاوہ آٹھ ریاستوں اور مرکز کے زیر انتظام علاقوں میں کورونا کا کوئی نیا فعال کیس سامنے نہیں آیا ہے۔
یو این آئی
