نئی دہلی: دہلی ہائی کورٹ نے بدھ کو عآم ادمی پارٹی کے سابق کونسلر طاہر حسین کو 2020 کے شمال مشرقی دہلی فسادات سے متعلق پانچ مقدمات میں ضمانت دے دی۔ واضح رہے کہ 24 فروری 2020 کو شمال مشرقی دہلی میں سی اے اے اور این آر سی قانون کے حامیوں اور مظاہرین کے درمیان فرقہ وارانہ جھڑپیں شروع ہوئی تھیں، جس سے کم از کم 53 افراد ہلاک اور 700 کے قریب زخمی ہوئے۔
جسٹس انیش دیال نے بدھ کے روز مقدمات میں طاہر حسین کی طرف سے ضمانت کی درخواستوں پر فیصلہ سناتے ہوئے کہا کہ تمام پانچ ایف آئی آر میں شرائط کے ساتھ ضمانت دی گئی ہے۔'سابق کونسلر کے خلاف مقدمات فروری 2020 میں تشدد کے دوران مبینہ فسادات سے متعلق ہیں۔
مزید پڑھیں: Delhi Riots Case طاہر حسین سمیت دیگر دسافراد کے خلاف دہلی فسادات معاملے میں فرد جرم عائد
یہ مقدمات ہجوم کی جانب سے پتھراؤ، پیٹرول بم پھینکنے اور طاہر حسین کے گھر کی چھت سے گولیاں چلانے کی وجہ سے دو افراد کے زخمی ہونے، قتل کی کوشش اور آرمس ایکٹ کی خلاف ورزی کے مبینہ کمیشن سے متعلق ہیں۔ طاہر حسین کو سرکاری املاک کو تباہ کرنے کے الزام میں بھی قانونی چارہ جوئی کا سامنا ہے۔ ان پر یہ بھی الزام ہے کہ وہ شرجیل امام اور عمر خالد کے ساتھ ساتھ فسادات کے پیچھے "بڑی سازش" میں ملوث تھے۔ یہ معاملہ یو اے پی اے کے تحت جرائم سے متعلق ہے۔
