قومی دارالحکومت میں مہلک عالمی وبا كووڈ-19 کا انفیکشن روز بروز بڑھتا جارہا ہے اور گزشتہ 24 گھنٹوں میں یہ صورتحال اور خوفناک ہوگئی ہے۔
دہلی میں 571 نئے کیسز سامنے آنے سے متاثرین کی کل تعداد ساڑھے 11 ہزار سے تجاوز کرگئی اور مرنے والوں کی تعداد اب 194 پر پہنچ گئی۔
ریاست کی وزارت صحت کی جانب سے جمعرات کو دی گئی معلومات کے مطابق ریکارڈ 571 نئےکیسز کے ساتھ کل تعداد 11659 پر پہنچ گئی۔
دارالحکومت میں نئے متاثرین کی یہ تعداد اب تک ایک دن میں سب سے زیادہ ہے۔
دہلی میں گزشتہ تین دن میں انفیکشن کے ڈیڑھ ہزار سے زائد کیسز آئے ہیں۔
اس دوران گزشتہ 24 گھنٹوں میں 18 مریضوں کی موت سے مرنے والوں کی کل تعداد 194 ہو گئی، تاہم اب تک 5567 مریض صحتیاب ہوچکے ہیں۔
