دہلی میں گزشتہ چوبیس گھنٹوں کے دوران کورونا وائرس کے 17,300 سے زیادہ نئے معاملے سامنے آئے اور 332 مزید مریضوں کی موت ہوگئی۔
صحت یاب ہونے والوں کی تعداد 20,160 پر پہنچ گئی ہے۔
دارالحکومت میں فعال معاملات کے مقابلے میں صحتیاب ہونے والوں کی تعداد میں اضافہ ہونے سے فعال معاملات میں کمی درج کی گئی ہے۔
دہلی میں سنیچر کو فعال معاملات 3128 مزید کم ہو کر 87,907 پر پہنچ گئے۔
دہلی کے محکمہ صحت کی طرف سے جاری بلیٹن کے مطابق اس مدت میں 17,364 نئے معاملے سامنے آنے کے بعد متاثرین کی تعداد 13,10,231 تک پہنچ گئی جبکہ 20,160 مزید مریضوں کے صحتیاب ہوجانے سے کورونا سے نجات پانے والوں کی تعداد بڑھ کر 12,03,253 ہو گئی ہے۔
یو این آئی
