روہنی جیل میں 15 قیدی کورونا انفیکشن سے متاثر

قومی دارالحکومت دہلی کے ضلع روہنی کے ایک قیدی کے کورونا وائرس ’کووڈ۔19‘ سے متاثر پائے جانے کے بعد ان کے ساتھ رہنے والے 19 میں سے 15 قیدی اور ایک جیل اہلکار متاثر پائے گئے ہیں۔

دہلی میں واقع تہاڑ جیل کے ڈائریکٹر جنرل سندیپ گوئل نے بتایا کہ روہنی جیل میں ایک قیدی کلدیپ کی حال ہی میں کورونا انفیکشن پائے جانے کے بعد ان کے ساتھ بیرک میں رہنے والے 19 قیدیوں کی کورونا جانچ کی گئی جس میں سے 15 قیدی کورونا سے متاثر پائے گئے ہیں۔

روہنی جیل میں 15 قیدی کورونا انفیکشن سے متاثر

کلدیپ کو آنتوں سے متعلق بیماری کی وجہ سے 10 مئی کو دین دیال اپادھیائے ہسپتال میں بھرتی کرایا گیا تھا اور 11 مئی کو اس کا آپریشن ہوا تھا۔

آپریشن والے دن ہی اس کی جانچ کی گئی تھی اور اگلے دن رپورٹ آئی ہے جس میں وہ متاثر پایا گیا۔ کورونا انفیکشن پائے جانے کے بعد اس کو لوک نائک جے پرکاش ہسپتال میں بھرتی کرایا گیا ہے۔

انہوں نے بتایا کہ 19 قیدیوں میں سے 15 متاثر پائے گئے ہیں جبکہ پانچ جیل اہلکاروں کی بھی جانچ کی گئی ہے جن میں سے ہیڈ وارڈ رونے کمار کورونا سے متاثر پائے گئے ہیں۔ انہوں نے بتایا کہ کسی میں بھی انفیکشن کے کسی طرح کی علامت نہیں دکھائی دے رہی ہے۔