قومی دارلحکومت دہلی میں کورونا مریضوں کی تعداد مسلسل بڑھتی ہی جا رہی ہے۔ گزشتہ 24 گھنٹوں کے دوران کورونا کے 1295 نئے کیسز درج کئے گئے ہیں، جو ایک دن میں اب تک کی سب سے بڑی تعداد ہے۔ اس اضافے کے ساتھ ہی دہلی میں کورونا مریضوں کی تعداد 19844 ہو گئی ہے۔
گزشتہ تین دنوں میں بالترتیب 1024، 1106 اور 1163 نئے کیسز سامنے آئے ہیں۔ ایک طرف کورونا مریضوں کی تعداد میں اضافہ ہورہا ہے وہیں دوسری طرف کورونا کی وجہ سے دہلی میں لگاتار اموات بھی جاری ہے۔ پچھلے 24 گھنٹوں کے دوران دہلی میں کورونا سے 13 افراد کی موت ہوچکی ہے ۔
ایک ہی دن میں کورونا سے اموات کے 57 واقعات ریکارڈ کیے گئے اور اس اضافے کے ساتھ ہی دہلی میں مرنے والوں کی کل تعداد 473 ہوگئی۔
کورونا انفیکشن کی بڑھتی ہوئی تعداد اوراس وباء سے ہونے والے اموات کے علاوہ بھی لوگوں کی ایک بڑی تعداد کورونا سے صحت یاب ہو رہی ہے۔ پچھلے 24 گھنٹوں کے دوران دہلی میں کورونا سے 416 افراد صحتیاب ہوئے ہیں اور اس اضافے کے ساتھ ہی اب تک مجموعی طور پر 8478 افراد کورونا سے ٹھیک ہوچکے ہیں۔
