وزارت صحت کے ترجمان لو اگروال نے ایک پریس کانفرنس میں بتایا کہ جو چھ مریض ہلاک ہوئے ہیں، ان کی عمر زیادہ تھی اور کورونا وائرس کے مریضوں کے رابطے میں بھی آئے تھے۔
انہوں نے بتایا کہ اس وقت حکومت کی توجہ کورونا وائرس سے زیادہ متاثرہ علاقوں پر ہے اور تمام ریاستوں کے ساتھ مل کر کمیونٹی سرویلنس اور کنٹیکٹ ٹریسنگ جیسی کوششوں پر ہے نیز لاک ڈاؤن اور سوشل ڈسٹنسنگ پر عمل درآمد پر توجہ مرکوز کی جا رہی ہے۔ حکومت طبی بنیادی ڈھانچے کو بھی مضبوط بنا رہی ہے اور ریاستوں سے كووڈ وقف اسپتال، بلاک، آئیسولیشن وارڈ قائم کرنے پر بات چیت کی جا رہی ہے۔
مرکزی صحت سکریٹری نے آج کورونا وائرس سے نمٹنے کے لیے تمام ریاستوں کے صحت سکریٹریز کے ساتھ بات چیت کر کے ان کے یہاں كووڈ وقف اسپتالوں کے سلسلے میں معلومات حاصل کی اور ان اسپتالوں میں بستروں کی تعداد میں اضافہ، ڈیڈیکیٹیڈ بلاک قائم کرنے اور دوسرے مریضوں سے مختلف رکھنے پر تفصیلی تبادلہ خیال کیا۔ کچھ اسپتالوں میں دیگر بیماریوں کے مریضوں کو الگ شفٹ کرنے کا کام شروع کر دیا گیا ہے۔
