بی جے پی کے سینئر لیڈر اور مرکزی وزیر مختار عباس نقوی نے آج یہاں کہا کہ وزیر اعظم نریندر مودی کی اپیل کا اثر نظر آنے لگا ہے اور ملک بھر میں 'پی ایم کیئر فنڈ' کے تحت ملک بھر میں 1500 سے زیادہ میڈیکل آکسیجن پلانٹس لگائے جاچکے ہیں یا لگائے جارہے ہیں۔
نقوی نے ریڈیکو کھیتان کے توسط سے اترپردیش کے مختلف مقامات پر نصب 20 مکعب فی گھنٹہ پیداوار والے چھ میڈیکل آکسیجن پلانٹ میں سے ایک کا آج کمیونٹی ہیلتھ سنٹربلاس پور، رام پورمیں افتتاح کیا۔
مزید پڑھیں: Third Wave Warning: وزیر اعظم نے آکسیجن کی پیداوار اور دستیابی کا جائزہ لیا
عباس نقوی نے بتایا کہ ریڈیکو کھیتان نے بلاس پور (رام پور)، بلہور (کانپور)، بھگونت پور (پریاگ راج)، مہوبہ (مہوبہ)، منجھان پور (کوشامبی) اور مانک پور (چترکوٹ) میں 6 طبی آکسیجن پلانٹ لگائے ہیں۔
یواین آئی
