سب-انسپکٹر کے قتل کے ملزمان گرفتار

چھتیس گڑھ میں بیجا پور کے کٹرو تھانے میں تعینات اسسٹنٹ سب انسپکٹر کورسا ناگویا کے اغواء اور قتل کے سلسلے میں دو نکسلیوں کو گرفتار کیا گیا ہے۔

پولس کے مطابق ہفتہ کے روز کٹرو تھانہ سے ڈی آر جی کی ٹیم تلاشی کے لئے کیتولنار کی طرف گئی تھی۔ اسی دوران کہ اسے دو مشتبہ افراد نظر آنے کی اطلاع ملی۔ اس پر فوجی جوانوں نے کیتولنار کے پرلمیٹا پارا میں دونوں کو پکڑ لیا۔ پوچھ گچھ کرنے پر دونوں نے اپنا نام جگا پویا، ایرپا پوڈیم بتایا جو پرلمیٹا پارا کے باشندے ہيں۔ انہوں نے کہا کہ گرفتار ملزمان نے سب-انسپکٹر کورسا ناگویا کے قتل کے واقعے میں اپنے ملوث ہونے کا اعتراف کرتے ہوئے، اس جرم میں ملوث دیگر نکسلیوں کے ناموں کا بھی ذکر کیا۔