رائے گڑھ: چھتیس گڑھ کے رائے گڑھ میں ایک نابالغ لڑکی کے ساتھ جنزی زیادتی کرنے والے ملزم کو عدالت نے 20 سال قید کی سزا سنائی ہے۔ ایڈیشنل سیشن جج ایف ٹی ایس سی فاسٹ ٹریک کورٹ نے وکاس کمار ویدھ (22) کو 20 سال کی قید بامشقت اور 5000 روپے جرمانے کی سزا سنائی ہے۔Minor Rape Case
اس سلسلے میں موصولہ اطلاعات کے مطابق جوٹ مل علاقے کی مسکونہ کمسن لڑکی کے اہل خانہ نے شکایت درج کرائی تھی کہ ان کی نابالغہ لڑکی 7 ستمبر 2021 کی صبح بغیر بتائے کہیں چلی گئی تھی۔ لڑکی کے گھر والوں نے جوٹ مل میں رہنے والے وکاس ویدھ پر لڑکی کو ورغلا کر بھگانے کا شبہ بھی ظاہر کیا تھا۔
پولیس نے ملزم کے خلاف مقدمہ درج کر کے ابتدائی تفتیش کے بعد ملزم کو گرفتار کر کے اس کے قبضے سے لڑکی برآمد کر لی تھی۔ اس معاملے میں ملزم کے خلاف فرد جرم عدالت میں پیش کیا گیا تھا۔ اس معاملے میں سماعت کے دوران، عدالت نے کل ملزم کو قصوروار قرار دیتے ہوئے اسے پوسکو ایکٹ کے تحت 20 سال کی قید بامشقت اور 5000 روپے جرمانے کی سزا سنائی۔
یہ بھی پڑھیں: Crime Rate in Madhya Pradesh جنسی زیادتی اور جرائم میں مدھیہ پردیش اول
یو این آئی
