بڈگام: جموں و کشمیر کے ضلع بڈگام کے اومپورہ علاقے میں ہفتہ کی دوپہر آتشزدگی کے سبب کئی رہائشی مکاناتات کو نقصان پہنچا ہے۔ Three Residential Houses Gutted in Budgam آتشزدگی کے سبب گرچہ کسی جانی نقصان کی کوئی اطلاع نہیں تاہم آگ کے سبب لاکھوں روپے مالیت کا سامان راکھ کے ڈھیر میں تبدیل ہو گیا۔ آتشزدگی کا یہ واقعہ گیس لیک کے سبب پیش آیا۔
ای ٹی وی بھارت کے ساتھ بات کرتے ہوئے مقامی باشندوں نے بتایا کہ گیس لیک کے سبب لگی آگ نے آناً فاناً پوری عمارت کو اپنی زد میں لے لیا۔ Fire Incident in Ompora Budgam جب کہ کچھ ہی عرصے میں آگ نے مزید رہائشی مکانات کو اپنی زد میں لے لیا۔ انہوں نے کہا کہ مقامی باشندوں نے آگ بجھانے اور اسے مزید پھیلنے سے روکنے کی کوشش کی تاہم وہ اس میں کامیاب نہ ہو سکے۔انہوں نے کہا کہ فائر اینڈ ایمرجنسی عملہ نے آگ کو مزید پھیلنے سے روک دیا تاہم آتشزدگی کے سبب قریب تین مکان خاکستر ہو گئے۔
متاثرین نے بتایا کہ آتشزدگی کے سبب گھر میں موجود املاک بشمول زیورات و ملبوسات آگ کے نذر ہو گئے۔ Residential Houses Gutted in Budgamمقامی باشندوں نے ضلع انتظامیہ سے متاثرین کی بازآبادکاری اور فوری امداد کا مطالبہ کیا ہے۔ ای ٹی وی بھارت کے ساتھ بات کرتے ہوئے مقامی باشندوں نے کہا کہ آگ متاثرہ افراد انتہائی غریب کنبے سے تعلق رکھتے ہیں۔
