ضلع بڈگام میں جموں و کشمیر پولیس نے منشیات مخالف مہم کو جاری رکھتے ہوئے دو غیر مقامی باشندوں سمیت تین منشیات فروشوں کو گرفتار کر کرکے انکی تحویل سے بھاری مقدار میں منشیات برآمد کی ہے۔
ذرائع کے مطابق بڈگام پولیس نے بریل، وترہیل علاقے میں ناکہ پر تلاشی کارروائی کے دوران ایک لوڈ کیریر سے 55کلوگرام فکی ضبط کرکے لوڈ کیرئیر میں سوار تین افراد کو حراست میں لے لیا۔
پولیس کے مطابق حراست میں لئے گئے تین افراد میں دو ریاست پنجاب کے باشندے ہیں۔
مزید پڑھیں: جموں کشمیر میں منشیات کے استعمال میں اضافہ کیوں؟
گرفتار کیے گئے منشیات فروشوں کی شناخت شولی پورہ بڈگام کے محمد شفیع ڈار، سنگرور پنجاب کے محمد حلیم اور ندیم کے طور پر ہوئی ہے۔
پولیس کے مطابق انہوں نے خانصاحب بڈگام پولیس اسٹیشن میں ایف آئی آر درج کرکے مزید تحقیقات شروع کر دی ہے۔
پولیس کا کہنا ہےکہ اس معاملے میں مزید گرفتاریاں متوقع ہیں۔
جموں و کشمیر پولیس نے معاشرے سے منشیات کا قلع قمع کرنے میں عوام سے تعاون کی اپیل کی ہے۔
