بڈگام: جموں و کشمیر اکیڈمی آف آرٹ، کلچر اینڈ لینگوئیجز (جے کے اے اے سی ایل) کے ذریعہ کشمیر کی ثقافت اور روایت کو فروغ دینے کے مقصد سے ضلع انتظامیہ بڈگام، محکموں بشمول سیاحت، ثقافت اور آرکائیوز، آثار قدیمہ اور عجائب گھر J&K کے اشتراک سے تین روزہ میلے کا انعقاد کیا جا رہا ہے Traditional festival begins in Budgam۔
اس موقع پر خطاب کرتے ہوئے سکریٹری JKAACL بھرت سنگھ نے کہا کہ یہ ثقافتی میلے ہر ضلع میں کشمیر کی بھرپور ثقافت کو فروغ دینے کے لیے منعقد کیے جا رہے ہیں۔ انہوں نے کہا کہ تین روزہ ایونٹ کے دوران مختلف مقامی اور قومی نامور فنکار مختلف ثقافتی پرفارمنس پیش کریں گے۔ انہوں نے فنکاروں پر زور دیا کہ وہ پلیٹ فارم کا بہترین استعمال کریں اور اپنی صلاحیتوں کا مظاہرہ کریں۔ انہوں نے کہا کہ ثقافت معاشرے کا اٹوٹ حصہ ہے اور ہر کسی کو اس کی حفاظت کے لیے کوشش کرنی چاہیے اور اسے اپنی شناخت کے طور پر آنے والی نسلوں تک پہنچانا چاہیے۔
اے ڈی ڈی سی بڈگام ڈاکٹر اکرم اللہ ٹاک ADC Budgam Dr. Akramullah Tak نے خطاب کرتے ہوئے کہا کہ یہ تہوار لوگوں کے درمیان ثقافتی اور مذہبی ہم آہنگی کو مضبوط کرنے کے لیے اہم ہیں۔ انہوں نے کہا کہ چڈورہ کا ثقافتی ورثہ بہت زیادہ ہے اور یہاں فیسٹیول کا انعقاد ان تمام لوگوں کو خراج تحسین ہے، جنہوں نے ہماری ثقافت اور تاریخ میں زبردست تعاون کیا ہے۔
مزید پڑھیں:
- 3 Days Pahari Cultural Festival: اڑی میں تین روزہ پہاڑی کلچرل فیسٹیول کا اختتام
- 'کشمیری ثقافت اور فنکاروں کے لیے بہت کچھ کرنا ہے'
تقریب کے دوران، فنکار چکری، رؤف، دھمال رقص، بھنڈ پاتھر، اور دیگر روایتی لوک رقص اور موسیقی کے پروگرام پیش کریں گے۔ سامعین کو محظوظ کرتے ہوئے بالی ووڈ گلوکار رومی گل نے بھی اسٹیج پر پرفارم کیا، ہر گانے کے بعد حاضرین سے خوب داد وصول کی۔
