بڈگام پولیس نے لشکر کے تین معاونین کو گرفتار کیا

پولیس نے کہا کہ ابتدائی تفتیش میں یہ انکشاف ہوا ہے کہ یہ تینوں بڈگام کے بیروہ ماگام اور ناربل علاقوں میں عسکریت پسندوں کی مدد کر رہے تھے۔

بڈگام پولیس اور 53 راشٹریہ رائفلز نے مشترکہ کاروائی کرتے ہوئے لشکر طیبہ کے تین معاونین کو گرفتار کر لیا ہے۔ سکیورٹی فورس نے ان کے قبضے سے کچھ مواد بھی بر آمد کیا ہے۔

گرفتار شدہ لشکر کے معاونین کی شناخت ناربل کے عادل احمد ڈار اور طاہر احمد ڈار اور کاووسہ خالیسہ کے غلام محمد گوجری کے طور پر ہوئی ہے۔

پولیس نے کہا کہ ابتدائی تفتیش میں یہ انکشاف ہوا ہے کہ یہ تینوں بڈگام کے بیروہ ماگام اور ناربل علاقوں میں عسکریت پسندوں کی مدد کر رہے تھے۔

انہوں نے کہا کہ یہ تینوں عسکریت پسندوں کو اسلحہ فراہم کرنے کے ساتھ ساتھ ان کی آمد رفت اور ان کے رہنے کا بھی انتظام کرتے تھے۔ پولیس نے یہ بھی کہا کہ یہ تینوں مختلف سوشیل میڈیا پلیت فارم کے ذریعہ پاکستانی عسکریت پسندوں کے رابطے میں تھے اور ساتھ ہی وہ لشکر طیبہ کے خود ساختہ کمانڈر محمد یوسف ڈار عرف کاٹرو اور ابرار ندیم کے ساتھ بھی مستقل رابطے میں تھے۔

گرفتار شدہ لشکر کے معاونین کے قبضے سے پولیس نے گولہ بارود سمیت ممنوعہ عسکری تنظیم لشکر کے پوسٹرس بھی بر آمد کیے ہیں۔ پولیس کے کہا کہ انہوں نے اس معاملے میں ایف آئی آر درج کر لی ہے اور مزید تفتیش جاری ہے۔