بڈگام: بڈگام پولیس کا کہنا ہے کہ ضلع کے پولیس اسٹیشن کھاگ کو منشیات سے متعلق اطلاع موصول ہوئی جس کے بعد انہوں نے ایک ٹیم کو فوری طور روانہ کیا۔ بڈگام پولیس کا کہنا ہے کہ پولیس پارٹی نے ایگزیکٹو مجسٹریٹ کھاگ کے ہمراہ کوکرباگ علاقہ میں ایک شخص کے گھر پر چھاپہ مارا اور مصدقہ اطلاع کے مطابق گودام میں سے ممنوعہ مادہ برآمد کیا گیا۔police arrested Drug peddler in Budgam
پولیس بیان کے مطابق چھاپہ کے دوران 08 کلو گرام بھنگ کے پتوں سمیت 15 کلو بھنگ پودے برآمد کیے گئے۔ بڈگام پولیس کا کہنا ہے کہ منشیات فروش نے انہیں اناج کے گودام میں چھپا کر رکھا تھا۔ پولیس نے مکان مالک/منشیات فروش کو موقع پر ہی گرفتار کر لیا جس کی شناخت اعجاز احمد بٹ ولد عبد الاحد بٹ ساکنہ کوکرباغ کے طور پر کی گئی ہے۔
اس ضمن میں پولیس نے ایک ایف آئی آر 54/2022 این ڈی پی ایس ایکٹ کے متعلقہ دفعات کے تحت پولیس اسٹیشن کھاگ میں درج کرکے مزید تحقیقات شروع کر دی ہے۔
