بڈگام: آئین ہند کی 73 ویں سالگرہ 73nd Constitution Day کے موقع پر وسطی کشمیر کے ضلع بڈگام میں یوم آئین جوش و خروش سے منایا گیا۔ مقررنین نے آئین ہند کی اہمیت پر تفصیلی روشنی ڈالی۔اے ڈی سی بڈگام ڈاکٹر ناصر احمد نے آئین کی تمہید پڑھ کر سنائی۔اس موقع پر ضلع کے تمام سرکاری دفاتر، اسکولوں اور کالجوں میں حلف برداری کی تقریبات کا انعقاد کیا گیا۔ Constitution Day In Budgam District
ڈپٹی کمشنر بڈگام، ایس ایف حامد نے کانفرنس ہال میں حلف برداری کی تقریب کی صدارت کی، جہاں اے ڈی سی بڈگام ڈاکٹر ناصر احمد نے کئی ملازمین کی موجودگی میں تمہید پڑھ کر سنائی۔ اسی طرح ضلعی اور سیکٹری افسران نے بڈگام بھر میں اپنے اپنے دفتر میں تمہید پڑھنے کی تقریبات کی صدارت کی۔ واضح رہے کہ ملک بھر میں 26 نومبر کو یوم آئین منایا جاتا ہے۔یہ دن آئین ساز اسمبلی کے ذریعہ بھارتی آئین کو منظور کیے جانے کی یاد میں منایا جاتا ہے۔ 26 نومبر 1949 کو ملک کی آئین ساز اسمبلی نے باضابطہ طور پر بھارت کے آئین کو منظور کیا تھا، جسے 26 جنوری 1950 کو نافذ کیا گیا تھا۔
یوم آئین سب سے پہلے 2015 میں منایا گیا تھا۔ این ڈی اے حکومت نے اس دن کو ڈاکٹر بی آر امبیڈکر کو خراجِ عقیدت پیش کرنے کے طور پر منانے کا فیصلہ کیا۔ ڈاکٹر امبیڈکر نے ڈرافٹنگ کمیٹی کے چیئرمین کی حیثیت سے آئین کو مرتب کرنے میں اہم کردار ادا کیا تھا۔ آئین ساز اسمبلی کو تاریخی دستاویز کا مسودہ تیار کرنے کے غیرمعمولی فریضہ کو مکمل کرنے میں دو سال گیارہ مہینے اور سترہ دن لگے۔ بھارت کا آئین اپنے شہریوں کو انصاف، برابری اور آزادی کی یقین دہانی کراتے ہوئے بھارت کو ایک خودمختار، سوشلسٹ، سیکولر اور عوامی جمہوریہ قرار دیتا ہے۔ یہ دنیا میں کسی بھی خودمختار ملک کے آئین کے مقابلے سب سے طویل تحریری آئین ہے۔
یہ بھی پڑھیں : Constitution Day یوم آئین پر ایل جی منوج سنہا کی مبارک باد
