وسطی کشمیر کے ضلع بڈگام کے کئی علاقوں میں گزشتہ دنوں سے تیندوے کھلے عام گھوم رہے ہیں جسکی وجہ سے لوگوں میں خوف و ہراس کا ماحول پایا جا رہا ہے۔ کل ایک تیندوا ڈی سی آفس بڈگام کے رہائشی علاقے میں دیکھا گیا جسکے بعد انتظامیہ متحرک ہو گئی اور ہاؤسنگ کالونی اومپورہ کے روبرو نرسری کی طرح ڈی سی آفس بڈگام کے روبرو نرسری کی بھی شاخ تراشی عمل میں لائی گئی۔ شبہ ظاہر کیا جا رہا ہے کہ یہ وہیں تیندوا ہو سکتا ہے جس نے گزشتہ دنوں ایک چار سالہ بچی کو اپنا شکار بنایا تھا۔
لوگوں کا کہنا ہے کہ انہوں نے اب تک کئی مرتبہ انتظامیہ سے اپیل کی کہ اس نرسری کی بھی دیکھ ریکھ کی جائے لیکن انکی طرف کوئی توجہ نہیں دی۔ لیکن کل جب انتظامیہ کے گھر تک یہ تینوا پہنچا تو انتظامیہ کی نیند ٹوٹ گئی اور بڑے پیمانے پر نرسری میں درختوں کی شاخ تراشی عمل میں لائی گئی۔
اس کارروائی میں مقامی لوگ بھی انتظامیہ کے ساتھ جڑ گئے ہیں اور درختوں کی شاخ تراشی عمل میں لائی جا رہی ہے۔
واضح رہے ہاؤسنگ کالونی اومپورہ میں گزشتہ دنوں ایک تیندوے نے چار سالہ معصوم پچی کو اپنا شکار بنایا۔ تب سے لیکر آج تک لگاتار تیندووں کو پکڑنے کی کوشش کی جا رہی ہے لیکن کوئی کامیابی نہیں ملی۔ اب دونوں نرسریوں کی صفائی کی جا رہی ہے اور یہی امید کی جا سکتی ہے کہ اسکے بعد ان تیندووں کو پکڑنے میں آسانی ہوگی۔
