وسطی کشمیر کے ضلع بڈگام میں دو اکتوبر سے شروع کئے گئے پروگرام بیک ٹو ولیج 3 میں لوگوں کی شمولیت بہت کم دیکھنے کو مل رہی ہے۔
لوگوں کے مطابق بیک ٹو ولیج ون اور بیک ٹو ولیج ٹو میں ان کے ساتھ کئے گئے وعدے پورے نہیں کئے گئے۔ اس لئے انہیں یہ پروگرام محض دکھاوا محسوس ہو رہا ہے اور وہ اس میں شامل نہیں ہونا چاہتے ہیں۔
پروگرام میں جہاں پچھلے دو بار ان آفیسران کو گاؤں میں دو دن اور ایک رات گزارنی تھی وہیں اس بار ان کو تین دن اور دو راتیں گزارنی ہے۔
گلزار احمد نے ای ٹی وی بھارت کو بتایا کہ ہم لوگوں نے پچھلی دو دفعہ اس بیک ٹو ولیج پروگرام میں اپنے گاؤں کے سارے مسائل درج کرائے لیکن آج تک اس پر کوئی عمل نہیں ہوا۔ اس سے عوام کے سامنے درپیش مسائل جوں کے توں بنے ہوئے ہیں۔ ہم نے یہاں بینک شاخہ، شیپ ہسبنڈری، پانی اور ترسیلی لائنیں جیسے مسائل حکام کے زیرِ غور لائے تھے۔
اس ضمن میں ای ٹی وی بھارت نے جب بیک ٹو ولیج تھری پروگرام میں موجود آفیسران سے رابطہ کیا تو انہوں نے کہا کہ اس بار ہم آپ کو تیسرے روز کوئی ٹھوس بات کہہ سکتے ہیں۔
