وسطی کشمیر کے ضلع بڈگام میں کرشی وگیان کیندرا کی جانب سے سات روزہ تربیتی کورس کے اختتام پر کورس میں شامل ہونے والے افراد کو توصیفی و اعزازی اسناد سے نوازا گیا۔
قابل ذکر ہے کہ تربیتی پروگرام بڈگام کے مختلف دیہات میں رہنے والے دیہی نوجوانوں کے لئے منعقد کیا گیا تھا۔
کرشی وگیان کیندرا نے سات روز تک چلنے والے ’’مشروم پروڈکشن ٹیکنیکس‘‘ تربیتی کورس میں 28 افراد کو تربیت فراہم کی جس میں انہیں تھیوری کے علاوہ باضابطہ طور پر تجربہ بھی کرایا گیا تاکہ اس کورس سے ان کو مکمل فائدہ حاصل ہو سکے۔
مزید پڑھیں: خبر کا اثر: ٹریفک قوانین کی خلاف ورزی کرنے والوں پر کارروائی
اس پروگرام کو SAMETI (DOE) SKUAST-K اور MANAGE Hyderabad نے مشترکہ طور پر منعقد کیا تھا۔
بڈگام میں منعقد کیے گئے اس تربیتی پروگرام میں 28 افراد نے شرکت کی جو30 جنوری سے 05 فروری تک جاری رہا۔
پروگرام کو صرف دیہات میں رہنے والے نوجوانوں کے لئے خاص طور پر منعقد کیا گیا تھا۔ کورس کے دوران شرکت کرنے والے نوجوانوں کو ڈیپارٹمنٹ آف ایگریکلچر مشروم سینٹر، لال منڈی سرینگر کا دورہ بھی کرایا گیا۔
مزیر پڑھیں؛ بڈگام: پنچوں اور سرپنچوں کی مستعفی ہونے کی دھمکی
ہفتہ کو منعقدہ اختتامی تقریب میں پروفیسر طارق احمد شاہ (ڈیوژن آف پلانٹ پیتھلاجی سکاسٹ شالیمار)، ڈسٹرکٹ ایگریکلچر آفیسر بڈگام سید گل اعجاز اور سینئر سائنسدانوں نے شرکت کی۔
