اطلاعات کے مطابق ہفتہ کے روز ایک پیر بابا کا کوؤڈ-19 ٹیسٹ پازٹیو نکلا، وہ حال ہی میں دہلی سے وادی وارد ہوئے تھے۔ اس روحانی پیشوا کا مثبت ٹیسٹ آنے کے بعد گاؤں کو ریڈ زون قرار دیا گیا۔
ضلع مجسٹریٹ کی ہدایت پر گاؤں کو سیل کر دیا گیا ہے کسی بھی شخص کو اس گاؤں میں جانے کی اجازت نہیں دی جا رہی ہے اور نہ ہی کسی باشندہ باہر جانے دیا جا رہا ہے۔
یہ فیصلہ ڈسٹرکٹ مجسٹریٹ بڈگام نے ڈیزاسٹر منیجمینٹ ایکٹ کے تحت لیا گیا
وہی پالر گاؤں کے مقامی نوجوانوں نے گاؤں کے باہر ایک بینر لگایا ہے جس میں لوگوں کو گاؤں میں داخل نہ ہونے کے لیے کہا گیا ہے۔
ضلع انتظامیہ کے ساتھ ساتھ سی ایم او بڈگام اور پولیس نے ان تمام لوگوں سے اپیل کی ہے، جو بھی شخص اس پازٹیو کیس کے رابطے میں آیا ہے وہ سامنے آئے، تاکہ اس کو مزید پھیلنے سے روکا جاسکے۔
واضح رہے کہ ہفتے کے روز مزید17 افراد کی رپورٹس مثبت آنے کے ساتھ ہی جموں و کشمیر میں کورونا وائرس مریضوں کی کل تعداد 224 ہوگئی ہے جن میں 44 جموں جبکہ 180 کشمیر صوبہ سے تعلق رکھتے ہیں۔
