جموں کشمیر کے دوسرے حصوں کی طرح ضلع بڈگام میں بھی آج عالمی یوم ماحولیات منایا گیا۔ اس سلسلے میں ضلع کے کئی سیاحتی مقامات پر تقریبات کا انعقاد کیا گیا۔
اسی طرح کی ایک تقریب سیاحتی مقام یوس مرگ میں بھی منعقد کی گئی۔ایس ڈی ایم چاڈورہ پرنس نور الحمید نے محکمہ سیاحت کے کئی افسران کے ساتھ مل کر یوسمرگ میں عالمی یوم ماحولیات کے موقع پر شجر کاری کی۔ شجر کاری کے بعد ایس ڈی ایم اور دیگر متعلقہ حکام کے ساتھ ساتھ محکمہ سیاحت کے افسران نے علاقے میں صفائی کرنے کی مہم چلائی۔
صفائی مہم میں مقامی لوگ اور پونی والوں نے بھی حصہ لیکر سیاحتی مقام یوس مرگ کی صفائی کی۔اس موقع پر بات کرتے ہوئے ایس ڈی ایم چاڈورہ نے یوس مرگ آنے والے سیاحوں سے اپیل کی ہے کہ یہاں ہر صفائی کا دھیان رکھتے ہویے یہاں گندگی نہ ڈالیں۔
انہوں نے کہا کہ آج کے بعد یوس مرگ کی صفائی پر کافی دھیان دیا جائے گا تاکہ زیادہ سے زیادہ سیاحوں کو اسکی طرف راغب کیا جائے۔انہوں نے یہ بھی کہا کہ یوس مرگ ڈیولپمنٹ اتھارٹی کو ہدایت دی گئی کہ یہاں پر ڈسٹ بن لگائے جائے تاکہ علاقے کو صاف رکھنے میں مدد حاصل ہو سکے۔
