ڈگام: وسطی کشمیر کے ضلع بڈگام میں ڈپٹی کمشنر ایس ایف حامد نے ضلع میں ٹھوس اور تَر فضلہ کے موثر انتظام کے لیے جامع منصوبہ بندی پر زور دیا۔ اس سلسلے میں ڈی سی نے کانفرنس ہال بڈگام میں بی ڈی سیز، بی ڈی اوز اور این جی اوز کے ساتھ ایک میٹنگ کی صدارت کی۔ اے سی پی بڈگام نے منظور شدہ دیہات میں سیگریگیشن شیڈ اور کمیونٹی کمپوسٹ پِٹ کی تعمیر سمیت کئے گئے کاموں پر روشنی ڈالی۔Comprehensive Plan for solid and liquid waste management in Budgam
ڈی سی بڈگام نے ضلع بھر میں بڑے پیمانے پر IEC مہم شروع کرنے پر زور دیا تاکہ لوگوں کو کچرے کی کم سے کم مقدار پیدا کرنے، کچرے کے مواد کو الگ کرنے اور ٹھوس و تَر فضلہ دونوں کو مناسب طریقے سے ڈمپنگ اور انہیں سائنسی بنیادوں پر ٹھکانے لگانے کے بارے میں آگاہ کیا جا سکے۔ قبل ازیں، بی ڈی سیز اور این جی اوز کے نمائندوں نے کوڑا کرکٹ کو موثر طریقے پر جمع کرنے اور گاؤں کی سطح پر اسے ٹھکانے لگانے کے بارے میں اپنے خیالات کا تبادلہ کیا۔ Waste Management in Budgam
ڈی سی نے متعلقہ افراد کو ہدایت دی کہ انفراسٹرکچر کی ترقی پر کام کے عمل کو تیز کیا جائے اور یہ یقینی بنایا جائے کہ اسے دو ماہ کی مدت میں بغیر کسی تعطل کے مکمل کیا جائے۔ جبکہ یہ ہدایات بھی دی گئیں کہ مشن موڈ کے تحت 49 دیہات کو جنگی بنیادوں پر گرین اینڈ کلین بنایا جائے۔ انہوں نے روزانہ کچرا اٹھانے اور ڈمپنگ کے لیے تمام پنچایتوں میں علیحدگی سے ڈمپنگ سائٹس کے لیے زمین کی نشاندہی پر بھی زور دیا۔Solid and Liquid Waste Management in Budgam
- مزید پڑھیں: ڈمپنگ سائٹ سے آبی وسائل کا وجود خطرے میں
انہوں نے بی ڈی سی اور این جی اوز پر زور دیا کہ وہ تمام دیہات کو صاف ستھرا بنانے میں فعال کردار ادا کریں اور بڈگام میں سیاحتی مقامات کی طرف جانے والی سڑک کے کنارے آباد دیہاتوں میں بڑے پیمانے پر صفائی مہم شروع کرنے کا مشورہ دیا۔
بی ڈی سیز، بی ڈی اوز، این جی اوز کے ساتھ میٹنگ کی صدارت، 3 ماہ کے عرصے میں تمام منظور شدہ گاؤں میں بنیادی ڈھانچے کی ترقی پر زور۔
