پلوامہ خودکش حملے کی آج دوسری برسی کے موقع پر ہلاک ہونے والے فوجی اہلکاروں کو خراج عقیدت پیش کیا گیا۔ ملک بھر کے ساتھ ساتھ ضلع بڈگام میں بھی پلوامہ حملے میں ہلاک ہوئے فوجی جوانوں کو یاد کیا گیا۔
آج ہی کے دن دو ہزار انیس میں پلوامہ کے لیتھ پورہ میں سی آر پی ایف کے قافلے پر حملہ ہوا تھا۔ اس حملے میں سی آر پی ایف کے چالیس جوان شہید ہو گئے تھے۔
آج ملک بھر میں اس حملے میں ہلاک ہوئے جوانوں کو یاد کیا جا رہا ہے۔ آر ٹی سی ہمہامہ میں بھی اس سلسلے میں آج ایک تقریب کا اہتمام ہوا۔ اس دوران ہلاک شدگان کو خراج عقیدت پیش کیا گیا۔
تقریب کے دوران آئی جی، سی آر پی ایف ٹریننگس راکیش کمار یادو نے کہا کہ سی آر پی ایف کے ساتھ ساتھ پورا ملک ہلاک ہونے والے جوانوں کے اہل خانہ کے ساتھ کھڑا ہے۔
وہیں، سی آر پی ایف کے اہلکاروں نے کہا 'ملک کے لئے اپنی جان نچھاور کرنے والے جوانوں سے ان کے حوصلوں میں مزید اضافہ ہوجاتا ہے۔ انہوں کہا کہ سکیورٹی اہلکاروں کی شہادت ان کے لئے فخر کی بات ہے'.
یہ بھی پڑھیے
پلوامہ حملے کے دو سال مکمل
پلوامہ خودکش حملے میں ہلاک ہوئے جوانوں کی یاد میں آج پورے ملک میں تقریبات کا اہتمام کیا جا رہا ہے. آر ٹی سی ہمہامہ میں ہلاک ہوئے جوانوں کی یاد میں ایک باغیچہ بنایا گیا۔ جہاں دیودار کے چالیس پودے لگائے گئے ہیں۔
