تفصیلات کے مطابق پولیس تھانہ بڈگام کو لوگوں کی طرف سے شکایات معصول ہو رہی تھیں کہ علاقے میں چور سرگرم ہے جنہوں نے علاقے میں مختلف مقامات پر چوریاں انجام دی ہیں۔
وہیں پولیس تھانہ بڈگام میں اس ضمن میں دو ٹاٹا سومو اور ایک ماروتی کار کے چوری ہونے کے خلاف ایف آئی آر درج کی گئی تھی۔
پولیس نے ان چوریوں کی جب تحقیقات شروع کی تو انہوں نے ان معاملوں میں مشکوک افراد کی گرفتاری عمل میں لائی۔
پولیس نے نوری پورہ کے عبدالمجید ڈار نامی شخص کو گرفتار کر کے جب اس سے پوچھ گچھ کی تو مذکورہ شخص نے اس بات کا انکشاف کیا کہ یہ چوری کی وارداتیں اسی نے انجام دی ہے۔
پولیس نے بعد میں اس کے دئے گئے پتہ سے دو ٹاٹا سومو گاڑیاں اور ایک ماروتی کار برآمد کی، جس کے بعد اس شخص کو بڈگام پولیس اسٹیشن میں قید رکھا گیا۔
وہیں لوگوں نے پولیس کی اس کارروائی کی زبردست ستائش کی اور ایسے عنصر کو سماج سے دور رکھنے اور لوگوں کو راحت فراہم کرنے کی خواہش کا اظہار کیا۔
