بڈگام: جموں و کشمیر کے ضلع بڈگام کی پولیس کا کہنا ہے کہ ضلع کے یاری گنڈ (کاوؤسہ خالصہ) کے قریب گشت کے دوران پولیس چوکی ناربل (ماگام) کی پولیس ٹیم نے ایک آٹو (لوڈ کیرئیر) کو رُکنے کا اشارہ کیا۔ بڈگام پولیس کے مطابق آٹو ڈرائیور نے رکنے کے بجائے موقع سے بھاگنے کوشش کی تاہم بڈگام پولیس نے اسے پکڑنے میں کامیابی حاصل کر لی۔ Police Arrested Drug Peddler in Budgam
بڈگام پولیس کا کہنا ہے کہ آٹو لوڈ کیرئیر کی تلاشی کے دوران پولیس نے 21کلو بھنگ کے پتے برآمد کیے۔ پولیس نے منشیات کو ضبط کرکے آٹو ڈرائیور کو بھی موقع پر ہی حراست میں لے لیا۔ حراست میں لیے گئے شخص کی شناخت تصدق احمد گنائی ولد محمد سبحان گنائی ساکنپ یاری گنڈ کے طور پر کی گئی گئی ہے۔ پولیس نے آٹو لوڈ کیرئیر زیر رجسٹریشن نمبر JK01L-8141 کو بھی ضبط کر لیا۔
اس ضمن میں بڈگام پولیس نے ایک مقدمہ 157/2022 این ڈی پی ایس ایکٹ کی متعلقہ دفعات کے تحت پولیس اسٹیشن ماگام میں درج کرکے مزید تفتیش شروع کر دی ہے۔
