ریاست بہار میں اورنگ آباد ضلع کے داؤد نگر نیما گاؤں کے قریب ٹرک اور اسکارپیو کے درمیان تصادم ہوگیا جس میں وکاس کمار نامی 28 سالہ نوجوان کی موقع سے ہی موت واقع ہوگئی۔
اس واقعے کے سلسلے میں موصولہ اطلاعات کے مطابق متوفی اپنے گاؤں سے اسکارپیو لے کر ڈہری اپنے بہن کو لینے جارہا تھا۔
اس دوران داؤد نگر کے نیما موڑ کے قریب پہنچتے ہی سامنے سے آرہی تیز رفتار ٹرک سے ٹکرا گیا۔ اس حادثے میں اسکارپیو چلانے والا نوجوان شدید طور پر زخمی ہوگیا۔ جبکہ وکاس کمار کو علاج کے لئے نجی اسپتال لے جایا گیا ، جہاں ڈاکٹروں نے اسے مردہ قرار دے دیا۔
اس واقعے کے بعد موقع پر پہنچی پولیس نے لاش کو قبضے میں لے کر پوسٹ مارٹم کے لئے بھیج دیا اور معاملے کی تحقیقات شروع کردی ۔
