بہار کے ڈی جی پی گپتیشور پانڈے نے جمعرات کے روز انتباہ دیا کہ کووڈ 19 کے خلاف جاری جنگ میں صف اول کا کردار ادا کرنے والے ڈاکٹروں، صحت کے کارکنوں یا دیگر سرکاری عہدیداروں کے ساتھ بدسلوکی کرنے والوں کے خلاف سخت کارروائی کی جائے گی۔
انہوں نے کہا کہ اگر کوئی بھی طبی عملے، میڈیکل افسر، سرکاری ملازمین، مجسٹریٹ یا پولیس کے ساتھ بدسلوکی سے پیش آتا ہے تو ہم اسے سنجیدگی سے لیں گے۔چاہے ان افراد کا تعلق کسی بھی طبقے، مذہب یا ذات سے ہو ہم ان میں کوئی تفریق نہیں کریں گے اور ان کے خلاف سخت کارروائی عمل میں لائیں گے۔
ڈی جی پی نے مزید کہا کہ بدھ کے روز اورنگ آباد میں طبی عملے پر حملے کے الزام میں 25 افراد کو گرفتار کرکے جیل بھیج دیا گیا ہے۔
انہوں نے کہا کہ اورنگ آباد میں 25 افراد کو جیل بھیج کر ایف آئی آر درج کیا گیا ہے اور انہیں جلد از جلد سزاد دی جائے گی۔عام آدمیوں کو یہ سمجھنے کی ضرورت ہے کہ ہم اپنی جان کو خطرہ میں ڈال کر ان کی جان بچانے کی کوشش کررہے ہیں۔
وزارت صحت کے مطابق بہار میں اب تک 70 کورونا کے معاملات سامنے آئے ہیں، جن میں سے 29 صحت یاب ہوچکے ہیں اور ایک شخص کی موت ہوگئی ہے۔
جمعرات کے روز مرکزی وزارت صحت اور خاندانی بہبود کی وزارت نے بتایا کہ گذشتہ 24 گھنٹوں کے دوران کوویڈ 19 میں مزید 941 کیسوں کے ساتھ بھارت میں کورونا وائرس متاثروں کی تعداد 12 ہزار تک پہنچ جائے گی۔
