پٹنہ: بہار میں اردو مترجم و معاون اردو مترجم کے تقرر کے مسئلے کو آر جے ڈی کے رکن کونسل قاری صہیب نے توجہ طلب نوٹس کے ذریعہ مضبوطی کے ساتھ اٹھایا جس کے تحریری جواب حکومت کی جانب سے دیے گئے ہیں۔ جس سے قاری صہیب مطمئن نہیں ہیں، یہ سوال انہیں کونسل میں زبانی بھی کرنا تھا مگر ہنگامہ کے پیش نظر کارروائی ملتوی کردی گئی۔ تاہم حکومت کی جانب سے اس سوال کا تحریری جواب فراہم کرایا گیا جس سے قاری صہیب اپنی حکومت کے ذریعہ دیے گئے جواب سے مطمئن نظر نہیں آ رہے ہیں۔ قاری صہیب نے کہا کہ بی پی ایس سی کے اعلیٰ افسران کی لاپرواہی اور منفی رویہ کی وجہ سے ریاست میں اردو مترجم و معاون اردو مترجم کے خالی عہدوں پر تقرر کا عمل نہیں ہو سکا۔ Why should students suffer the consequences of Bihar Public Service Commission mistake
یہ بھی پڑھیں:
قاری صہیب نے کہا کہ بی پی ایس کی غلطی کی سزا امیدوار کیوں بھگتے؟ اس سے نہ صرف امیدواروں کا مستقبل تباہ ہو رہا ہے، بلکہ ریاست میں سرکاری محکموں و شعبوں میں اردو کے فروغ کی راہ میں بڑی رکاوٹ پیدا ہو رہی ہے اور اس سے اردو آبادی پوری طرح متاثر ہو رہی ہے. قاری صہیب نے مزید کہا کہ میں نے درجنوں مرتبہ اسٹاف سلیکشن کمیشن کے دفتر جا کر ذمہ داران سے بات چیت کرنے کی کوشش کی لیکن کسی نے ٹھیک سے ملاقات اور بات نہیں کی، درجنوں مرتبہ فون لگایا مگر کوئی رسپانس نہیں ملا، تب آخر کار ایوان کا سہارا لیا اور اس معاملے کو ایوان میں اپنے توجہ طلب نوٹس کے ذریعہ اٹھایا۔
قاری صہیب نے بی پی ایس سی افسران پر الزام عائد کرتے ہوئے کہا کہ بی پی ایس سی افسران کے ذریعہ مجرمانہ غفلت کا مظاہرہ کیا جا رہا ہے اور اس حساس معاملے کو نظر انداز کر کے ریاست کی اردو آبادی کے ساتھ حق تلفی اور ناانصافی کی جارہی ہے۔ جسے برداشت نہیں کیا جائے گا. بلکہ ایسے افسران کے خلاف کارروائی کی جائے گی۔ رکن کونسل قاری صہیب نے سوال کیا کہ بہار پبلک سروس کمیشن کی غلطی کا خمیازہ طلباء کیوں بھگتیں؟
