دارالحکومت پٹنہ میں بھی ووٹنگ جاری ہے، پٹنہ کے 181 دیگھا اسمبلی حلقہ کے بوتھ نمبر 349، 352 پر زیادہ تر لوگوں کا نام ووٹر لسٹ سے غائب ہے، جب کہ ان کے پاس شناختی کارڈ بھی ہیں۔
عالمی وبا کورونا کے دور میں انتخابات ہورہے ہیں، تمام گائیڈ لائن پر عمل کرتے ہوئے ووٹرز پولنگ بوتھ پر پہنچ کر اپنے حق رائے دہی کا استعمال کررہے ہیں۔
پٹنہ اور اس ضلع کے 9 اسمبلی نشستوں پر آج سخت حفاظتی انتظامات کے تحت پولنگ جاری ہے، پر امن طریقے سے پولنگ ہورہی ہے، بیشر بوتھس پر ہزاروں افراد کے ووٹر لسٹ میں نام نہ ہونے کی شکایت موصول ہوئی ہے۔
پٹنہ میں ووٹنگ جاری، زیادہ تر لوگوں کے نام ووٹر لسٹ سے غائب
ووٹرز نے بتایا کہ اس مرتبہ وہ تبدیلی چاہتے ہیں اسی لیے وہ ووٹ کررہے ہیں، نوجوان بزرگ و خواتین بڑی تعداد میں پولنگ بوتھ پہنچ رہے ہیں۔
مسلم علاقوں میں موجود بوتھس پر صبح سے ہی رائے دہندگان کی بھیڑ نظر آ رہی ہے۔
