کیمور پولیس نے گزشتہ 28 مارچ کو موہنیاں میں زیر تعمیر مکان سے برآمد وجیندر قتل معاملے کا انکشاف کیا ہے ساتھ ہی قتل میں شامل ایک جرائم پیشہ کو گرفتار کرنے میں کامیابی حاصل کی۔
معاملہ میں دو اور شامل جرائم پیشہ کی گرفتاری کی کوشش جاری ہے۔
اس سے متعلق ایس پی دلنواز احمد نے بتایا کی 28مارچ کو انواری موضع کے پاس زیر تعمیر مکان سے موہنیاں پولیس نے ایک لاش کو برآمد کیا تھا۔ جس کی پہچان اسکے پاکیٹ سے ملے آدھار کارڈ سے کی گئی تھی۔
انہوں نے بتایا کہ جس ویجیندر نام کے 25 سال کے لڑکے کی لاش برآمد کی گئی تھی وہ خود ایک شاطر جرائم پیشہ نکلا۔
انہو ں نے بتایا کی تکنیکی جانچ کے بناء پر پولیس اصل مجرم تک پہونچی۔ جس میں تین لوگ کے شامل ہونے کی بات سامنے آئی۔
ایس پی نے بتایا کی مقتول ویجیندر موہنیاں کے ہی ڈڑواں کا باشندہ تھا۔ جو قبل میں ایک شخص کو شراب معاملہ میں گرفتاری کے لئے پولس کی مخبری کی تھی۔ جس کے بعد سے تین جرائم پیشوں نے ایک سازش تحت زیر تعمیر مکان میں جان سے مار دیا تھا۔
پولس نے اس معاملہ میں موہنیاں کے ہی سوہن چودھری کو گرفتار کیا گیا۔ جس سے ساری بات سامنے آئی، لیکن اس معاملہ میں اہم سازش کرنے والا رام پرویش چوبے موضع سوتواں تھانہ کڑھنی فرار ہے، جس کی گرفتاری کے لیے چھاپہ ماری کی جا رہی ہے۔
