گیا: ریاست بہار کے ضلع گیا میں آئندہ 7 مئی کو محکمہ اردو ڈائریکٹوریٹ کابینہ سکریٹریٹ ڈپارٹمنٹ کی جانب سے فروغ اردو زبان پروگرام Urdu Language Program in Gaya کا انعقاد کیا جائے گا۔ پروگرام کلکٹریٹ کے کانفرنس ہال میں منعقد ہوگا اور اس کا افتتاح گیا ڈی ایم تیاگ راجن کریں گے۔ اردو زبان کو فروغ دینے کے لیے اردو طلبہ کے لیے انعامی مسابقہ دو برس بعد منعقد ہورہا ہے کیونکہ گذشتہ دو سالوں سے کورونا کی وجہ سے یہ پروگرام نہیں ہو پایا تھا۔
اس معاملے پر ضلع اردو زبان سیل کے اسٹاف تنویر احمد نے بتایا کہ سال 2021 کا پروگرام آئندہ سات اپریل کو ہوگا۔ اس پروگرام میں مختلف موضوعات کے تحت پانچ منٹ تک طلبہ و طالبات مقالہ پیش کریں گے۔ اس میں فرسٹ، سکنڈ اور تھرڈ آنے والے کو انعام کی شکل میں رقم سے نوازا جائے گا۔ اس پروگرام کا مقصد طلبہ و طالبات کی حوصلہ افزائی کے ساتھ ان کو مالی مدد فراہم کرنا شامل ہے۔
یہ بھی پڑھیں: Urdu Promotion Program in patna: بہار میں اردو کے فروغ کے لیے پروگرام کا انعقاد
سبھی اسکول و کالج اور مدارس کو اطلاع دی گئی ہے کہ وہ اپنے یہاں کے طلباء کو مسابقہ میں حصہ لینے کی ترغیب دیں۔ خواہشمند طلبہ کی فہرست ضلع اردو زبان سیل گیا واقع کلکٹریٹ کو دستیاب کرا دی جائے۔ انہوں نے بتایا کہ میٹرک انٹر اور گریجویشن کے طلبا و طالبات کے لیے الگ الگ موضوع طے کیے گئے ہیں، جس پر وہ خطاب کریں گے۔Urdu Language Program In Gaya
