بھبھوا میں تیز رفتار بس نے ایک موٹر سائیکل کو بھیانک ٹکر ماری، جس میں دو نوجوان ہلاک ہو گئے۔ واقعے کے بعد سینکڑوں کا مجمع جائے وقوع پر جمع ہوگیا۔ مقامی لوگوں نے فوراً ادھورا تھانہ کو اس کی اطلاع دی۔ اطلاع ملنے کے بعد تھانہ ادھورا کی پولس نے موقع پر پہنچ کر کاغذی کارروائی کے بعد لاش کو قبضہ میں لےکر پوسٹ مارٹم کے لئے صدر ہسپتال بھبھوا بھیج دیا۔
حادثے میں جاں بحق ہونے والے دو نوجوانوں میں سے ایک راجو سنگھ ولد واشیت سنگھ جو ادھورا اسٹیشن کے علاقہ کرر گاؤں کا رہائشی تھا، جس کی عمر 22 سال ہے اور بابو لال چیرو ولد مرحوم سانتو چیرو کی عمر 25 سال ہے۔
اس واقعے کے سلسلے میں لوگوں کا کہنا تھا کہ اس خوفناک حادثے میں نوجوان کی موٹر سائیکل بھی بری طرح نقصان ہوگئی۔ موصولہ اطلاع کے مطابق دونوں نوجوان لال رنگ کی پیشن پرو ہیرو موٹر سائیکل سے ادھورا سے تالا گاؤں لوٹ رہے تھے۔ اسی دوران تیز رفتار بھبھوا سے آنے والی بس کے اوور ٹیک کے دوران یہ حادثہ پیش آیا جس میں دونوں نوجوان اپنی جان سے ہاتھ دھو بیٹھے۔
