ریاست بہار کے ضلع کیمور میں واقع بھبھوا تھانہ کے تحت بہیری سمریاں شاہراہ پر اسلحہ لہرا کر دہشت پھیلانے والے دو نوجوانوں کو گاٶں والوں کے ذریعہ جم کر پٹائی کرنے کا معاملہ سامنے آیا ہے۔
اطلاع کے مطابق بہیری سمریاں شاہرا پر بہیری رہاٸشی ڈکی پانڈے اور شری رام پانڈے نام کے دو رنگدار نے نل جل اسکیم میں کام کر رہے ایک مزدور سے جھگڑا کرتے ہوئے اسلحہ لہرا کر خوف پھیلا رہا تھا۔
وہیں شور شرابہ ہونے پر پہنچے مقامی لوگوں نے پکڑ کر دونوں کی جم کر پٹائی کی۔ جس کے بعد گاؤں والوں نے پولیس کو اطلاع دے کر ان کے حوالے کر دیا۔
یہ بھی پڑھیں: مشہور شاعر منور رانا کی بیٹی فوزیہ رانا کانگریس میں شامل
اس سلسلے میں ایس پی دلنواز احمد نے بتایا کہ پولیس کو اطلاع ملی تھی کہ بہیری گاؤں سے آنے والے سمریا روڈ میں نل جل یوجنا میں کام کرنے والے ایک لڑکے کے ساتھ دو لڑکے حملہ کر رہے تھے اور اسلحہ بھی لہرا رہے تھے۔ جس کے بعد گاؤں والوں نے ان دونوں بدمعاشوں کو پکڑ کر پٹائی کر دی اور اس کے بعد دونوں بدمعاشوں کو پولیس کے حوالے کردیا گیا۔
وہیں پولیس نے دونوں نوجوانوں سے اسلحہ برآمد کیا۔ جس کے بعد پولیس نے انہیں مشکوک مانتے ہوئے جیل بھیج دیا ہے۔
