رائفل سمیت دو ملزم گرفتار

بہار کے ضلع بیگو سرائے کے مٹیہانی تھانہ علاقہ سے پولیس نے رائفل سمیت دو خونخوار جرائم پیشہ افراد کو گرفتار کیا ہے ۔

پولیس ذرائع نے بتایا کہ اطلاع کی بنیاد پر اسپیشل ٹاسک فورس ( ایس ٹی ایف ) کے جوانوں نے مٹیہانی تھانہ علاقہ کے سہما گاﺅں سے خونخوار بدمعاش راجو کمار سنگھ عرف بدھن سنگھ اور ہرے رام سنگھ کو گرفتار کیا ہے ۔

اس دوران موقع سے دو رائفل اور سو سے زائد کارتوس برآمد کیے گئے ہیں۔

ذرائع نے بتایاکہ ان کے خلاف ضلع کے مختلف تھانوں میں کئی مجرمانہ مقدمے درج ہیں۔ گرفتار بدمعاشوں سے تفتیش کی جارہی ہے ۔