قاضی ٹولہ گاؤں کے رہنے والے ماسٹر راشد تراویح کے لیے گھر سے 400 میٹر دور جامع مسجد گئے تھے اور بیوی وضو کرکے دوسرے کمرے میں نماز میں مشغول تھیں۔
اسی دوران گھر کی کھڑکی توڑ کر ڈکیت چھوٹے کمرے کے سہارے مین بیڈ روم میں داخل ہوکر گودریج میں رکھے 1لاکھ 20ہزار روپے اور 80ہزار روپے کے سونے کے زیورات لیکر فرار ہوگئے۔
یہ کوئی نیا معاملہ نہیں ہے اس سے پہلے بھی کوچادھامن حلقہ کے مختلف گاوں میں اس طرح کے حادثے ہو چکے ہیں۔اسی گاؤں میں گزشتہ سال بھی ٹھیک اسی طرح ایک گھر کو لوٹ لیا گیا تھا، روکنے پر ڈکیتوں نے گھروالوں کی جم کر پٹائی بھی کی تھی۔
باوجود اس کے پولس انتظامیہ کی جانب سے کوئی ٹھوس قدم نہیں اٹھائے گئے۔آج بھی اس علاقے کے لوگ رام بھروسے بیٹھے ہیں۔
