اس واقعے کے بعد مقامی لوگوں نے سڑک کو گھنٹوں جام رکھا اور قریب تین گھنٹے تک جام لگا رہا۔ جام کی اطلاع پر نواٶں کے سرکل افسر (سی او) پہنچے اور انہوں نے لوگوں کو سمجھا بجھا کر ہر ممکن سرکاری امداد دینے کی بات کہی۔
یہ حادثہ سورج پورہ گاؤں کے قریب کٹوا پل کے پاس رونما ہوا۔ بتایا جارہا ہے کہ ایک بس بکسر کی طرف سے رام گڑھ کی طرف آ رہی تھی، تب ہی سامنے آرہے ایک موٹر سائیکل پر سوار دو لوگوں کو ٹکر مار دی۔
وہیں موقع پر ہی ایک شخص کی موت ہو گئی، جبکہ دوسرے شخص کی موت ہسپتال لے جاتے وقت راستے میں ہوگئی۔
اس حادثے میں ہلاک ہوئے شخص کی شناخت شوکت علی (35 سال) اور دوسرا شخص گنگا رام (42 سال) کے طور پر ہوئی۔
حادثے کی خبر ملتے ہی اکھنی سورج پورہ گاؤں کے لوگوں میں شدید ناراضگی دیکھنے کو ملی۔ مشتعل لوگوں نے کٹوا پل کے پاس شاہراہ کو جام کردیا اور ضلع کے اعلیٰ افسران کو موقع پر بلانے کا مطالبہ کیا۔
موقع پر پہنچی پولیس نے دونوں لاش کو اپنے قبضے میں لے کر بھبھوا پوسٹ پارٹم کے لیے بھیجا اور اس کے بعد دونوں لاش کے گھر والوں کو سپرد کر دیا گیا۔
