پورنیہ: بہار میں ضلع پورنیہ کے جانکی نگر تھانہ علاقہ میں شرپسندوں نے ہفتہ کے روز دو بھائیوں کو گولی مار کر قتل کر دیا، جبکہ واردات میں تین دیگر زخمی ہوگئے۔
پولس ذرائع نے یہاں بتایا کہ تقریباً 15 کی تعداد میں شرپسندوں نے صبح تین بجے ٹھاکر پٹی گاوں میں حملہ کیا۔ اور سبھودھ رشی دیو ، انمون رشی دیو کوگولی مار کرقتل کردیا۔ اس کے علاوہ دیگر تین افراد کو لاٹھی ڈنڈوں سے پیٹ پیٹ کر زخمی کردیا۔
ذرائع نے بتایا کہ زخمیوں کو بنمنکھی ریفرل اسپتال میں داخل کرایا گیا ہے۔ واردات کا سبب زمینی تنازعہ بتایا جا رہا ہے۔ اطلاع ملتے ہی موقع پر پہنچی پولیس نے لاشوں کو قبضے میں لے کر پوسٹ مارٹم کے لیے روانہ کردیا اور معاملہ کی تفتیش شروع کر دی ۔
