کورونا وائرس کے انفیکشن کو روکنے کے لئے ملک بھر میں لاک ڈاؤن نافذ ہونے کے بعد بہت سے لوگ جگہ جگہ پھنس گئے ہیں۔ ان میں سے ایک ٹی وی اداکارہ رتن راجپوت بھی ہیں۔ رتن راجپوت ایک پسماندہ گاؤں میں پھنس گئی ہیں۔ انہوں نے یہ معلومات خود اپنے انسٹاگرام اکاؤنٹ سے دی ہے۔
رتن راجپوت لاک ڈاؤن کی وجہ سے ایک گاؤں میں پھنس گئی ہیں۔ انہیں وہاں بہت ساری پریشانیوں کا سامنا کرنا پڑرہا ہے۔ وہاں ایک کمرے کو باتھ روم بنا کر نہانے سے لے کر کپڑے اور برتن دھونے تک کا کام کرنا پڑ رہا ہے۔
انہون نے اپنے انسٹاگرام اکاؤنٹ پر ایک ویڈیو شیئر کرتے ہوئے کہا ہے کہ' وہ لاک ڈاؤن کی وجہ سے بہار کے ایک گاؤں میں پھنس گئی ہیں۔ وہ یہاں سے نہیں نکل سکیں۔ گاؤں میں ہی کسی نے انہیں کمرے مہیا کرا دئیں ہیں۔
ویڈیو میں انہوں نے کہا کہ 'میں نے یہاں خود کوکورنٹائن کر لیا ہے۔
انہوں نے کہا ہے کہ 'مجھے بہت سارے میسج آ رہے ہیں۔ لوگ یہ جاننے کی کوشش کر رہے ہیں کہ میں کہاں ہوں اور میں تنہا کیوں ہوں؟ '
انہوں نے کہا کہ 'میں قرنطین میں ہوں یہ ایک چھوٹا سا گاؤں ہے۔ میں ایک گاؤں میں ہوں۔'
انہوں نے لوگوں سے لاک ڈاؤن کی خلاف ورزی نہ کرنے کی اپیل بھی کی۔
رتن نے اپنے انسٹاگرام پر بہت ساری ویڈیوز اور تصاویر شیئر کیں ہیں۔ اس دوران وہ ایک چھوٹے سے کمرے میں نظر آ رہی ہیں۔
