انہوں نے کہا کہ آج ان کے تکبر نے مہاگٹھ بندھن کو بکھراؤ کے دہانے پر پہنچا دیا ہے۔
جے ڈی یو کے ترجمان راجیو رنجن پرساد نے حزب اختلاف کے رہنما تیجسوی یادو پر حملہ کرتے ہوئے کہا کہ جو لوگ کل تک قومی جمہوری اتحاد (این ڈی اے) کے ٹوٹ جانے کا دعوی کرتے تھے، آج اپنے گھر میں لگی آگ کو بجھانے کی حالت میں بھی نہیں ہیں۔
پرساد نے کہا کہ اپنے تکبر ، گھمنڈ اور ناتجربہ کاری کی وجہ سے آر جے ڈی اور مبینہ مہاگٹھ بندھن کے سینئر لیڈروں سے بڑھ رہی بے تعلقی کو مسٹرتیجسوی پاٹنے میں کامیاب نہیں ہو سکے۔ اس کی وجہ سے ان کے ساتھیوں میں بھی گہری ناراضگی ہے۔ انہوں نے کہا کہ مسٹر یادو کے غرور کے سبب مهاگٹھ بندھن بکھراؤ کے دہانے پر پہنچ چکا ہے۔
جے ڈی یو کے ترجمان نے بہار میں لوک سبھا کی ایک اور اسمبلی کی پانچ سیٹوں پر ہونے والے ضمنی انتخابات کے نتائج حال ہی میں اختتام پذیر لوک سبھا نتائج سے مختلف نہ ہونے کا دعوی کیا۔ انہوں نے کہا کہ این ڈی اے اسمبلی کی پانچ اور لوک سبھا کی ایک سیٹ پر بڑے فرق سے جیت درج کرے گا۔
پرساد نے دعوی کیا کہ اپوزیشن ’جنگ‘ کے اعلان سے قبل ہی ڈھیر ہو چکا ہے۔ انہوں نے کہا کہ مهاگٹھ بندھن کے اتحادی وکاس شیل انسان پارٹی(وی آئی پی )، ہندوستانی عوام مورچہ (ہم) اور کانگریس کے تیور صاف صاف بتا رہے ہیں کہ ان کے اتحاد کی صحت بگڑ چکی ہے۔
جے ڈی یو ترجمان نے کہا کہ صرف بےلگام عزائم کے بل پر وراثت، تبدیل کر رہے بہار میں کسی بھی پارٹی یا لیڈر کو اقتدار کے سب سے ٹاپ نہیں پهنچا سکتے۔ اس کے لئے کوئی شارٹ کٹ نہیں ہے۔ لوگوں کا دل جیتنے کے لئے صرف ایمانداری سے عوام کے درمیان کام کرنا پڑتا ہے، اور اس کی جیتی جاگتی مثال بہار کے مقبول وزیر اعلی نتیش کمار ہیں۔
