ریاست بہار کے ضلع گوپال گنج کے ہیراپاکڈ مہندیا گاؤں میں آباد سیلاب کٹاؤ متاثرین لاک ڈاؤن کے بعد کھانے کو محتاج ہو گئے تھے۔ کوئی بھی ان کی مدد کے لیے نہیں پہنچ رہا تھا۔ لیکن ای ٹی وی بھارت کی خبر کے ذریعے غریبوں کے درد کو شائع کرنے کے بعد بہت ساری تنظیموں کے لوگوں نے انہیں کھانے پینے کی اشیاء تقسیم کرنا شروع کردیا ہے۔
دراصل حکومت نے کورونا وائرس کے اثر کو کم کرنے کے لیے لاک ڈاؤن کا اعلان کیا ہے۔ جس کے بعد بہت سے غریبوں میں کھانے پینے کے مسائل پیدا ہوگئے ہیں۔ وہیں ای ٹی وی بھارت مستقل طور پر مسکینوں تک پہنچ کر اپنی خبروں کے ذریعہ لوگوں تک ان کے دکھ اور درد کو پہنچانے کی کوشش کر رہا ہے۔ جس کے بعد اب بہت ساری سماجی تنظیموں کے لوگوں نے ضرورت مندوں تک پہنچنا اور انہیں کھانا مہیا کرنا شروع کردیا ہے۔
وہیں غریبوں کو کھانا ملنے کے بعد انہوں نے ای ٹی وی بھارت کا شکریہ ادا کیا اور کہا کہ خبریں خبریں دکھانے کے بعد ہی اب ہمیں یہ سہولت مل رہی ہے۔ پہلے کوئی نہیں آتا تھا۔ ہم کھانے کے محتاج تھے۔ لیکن اب ہم خوش ہیں۔
اسی دوران ٹرسٹی مکند بابا نے بتایا کہ 'ہمارا یہ پروگرام لاک ڈاؤن کے ابتدائی مرحلے سے جاری ہے۔ انہوں نے ای ٹی وی بھارت کا شکریہ ادا کیا۔
