گیا: ریاست بہار کے ضلع گیا میں پولیس نے دو برس پرانے ایک معاملے میں ملزم دانش خان کو گرفتار کیا ہے۔ دانش خان پر ایک کمپنی کے آفس میں گھس کر ڈکیتی کی وردات انجام دینے کا الزام ہے۔ اس معاملے میں پہلے اسلم راجہ، رضاخان سمیت کل آٹھ افراد جیل جاچکے ہیں۔ ابھی تک دانش پولیس کی گرفت میں نہیں آرہا تھا۔ ایس ایس پی آشیش بھارتی نے بتایا کہ گیا چیر کی تھانہ میں ایک کیس درج ہوا تھا کیس میں کچھ بدمعاشوں کو نامزد ملزم بنایا گیا تھا۔ یہ ڈکیتی کا معاملہ تھا۔ دانش خان گذشتہ دو برسوں سے فرار تھا۔
یہ بھی پڑھیں: Gaya Police Inquiry پولیس کی منصفانہ جانچ میں ریئل اسٹیٹ کے کاروباری کو راحت
انہوں نے اس کی گرفتاری کے لیے پولیس کی ایک خصوصی ٹیم تشکیل دی تھی۔ آج اُسے گرفتار کرلیا گیا۔ ملزم واردات کو انجام دی کر کسی دوسری جگہ فرار ہو گیا تھا۔ پولیس کا دعویٰ ہے کہ ملزم باہر رہتے ہوئے بھی اپنی مجرمانہ سرگرمیاں جاری رکھے ہوئے تھا۔ دانش خان گیا کے شیر گھاٹی کا رہنے والا ہے۔ اس پر پہلے سے کئی مجرمانہ مقدمات درج ہیں۔ اس معاملے میں اسلم راجہ نام کا ایک اور ملزم گرفتار کیا گیا ہے۔ پولیس کا دعویٰ ہے کہ اسلم راجہ سنلائٹ سینا کا اہم رکن تھا اور اس پر درجنوں قتل، لوٹ اغوا سمیت دیگر معاملے درج ہیں۔ اسلم راجہ کے خلاف بہار کے علاوہ جھارکھنڈ، بنگال اور دہلی میں بھی کیس درج ہیں۔ دانش خان اسلم راجہ کا خاص شخص ہے۔
