گیا: بہار اسمبلی کے حزب اختلاف کے رہنماء وجے سنہا آج گیا ایک پروگرام میں پہنچے تھے۔ یہاں اُنہوں نے بہار حکومت اور انڈیا اتحاد کی پارٹیوں اور فلسطین کی حمایت کرنے والے سیاسی رہنماؤں کو شدید تنقید کا نشانہ بنایا۔ اُنہوں نے حماس اور اسرائیل کے درمیان جاری جنگ کے تعلق سے کہاکہ اپنے ملک کے ایک خاص فرقے کے لوگ ملک کی خارجہ پالیسیوں کے خلاف دوسرے ملک کو سپورٹ کر اپنے ملک کی خارجہ پالیسیوں کونقصان پہنچانے کی کوشش کر رہے ہیں۔ ایسے لوگوں سے سبھی ہوشیار رہیں۔
اُن سیاسی اور سماجی رہنماؤں کی بھی تنقید کی جو فلسطین میں اسرائیل کے ذریعے ہو رہے حملے کی مزمت کی ہے اور احتجاج کیا ہے۔ وجے سنہا نے اُنہیں جے چند قرار دیا اور کہاکہ اُنہیں یہیں یہ آزادی حاصل ہے، لیکن وہ ملک کی پالسیوں کی مخالفت کرکے ملک کے حق میں بہتر نہیں کررہے ہیں۔ اُنہوں نے مزید کہاکہ آج یہ دوسرے ملک کے معاملے میں حمایت میں کھڑے ہیں، اگر اسی طرح پاکستان بھارت پر حملہ کرے گا، تو یہ اُنکے ساتھ بھی کھڑے ہونگے۔ پی ایف آئی کے ساتھ بھی یہ انڈیا اتحاد کے لوگ کھڑے ہیں اور مرکزی ایجنسیوں کی کاروائی پر سوال کھڑے کرتے ہیں، یہ ملک کا بھلا نہیں چاہتے ہیں۔
ہندؤں کے ساتھ ہورہی ہے نا انصافی
درگا پوجا کے موقع پر بہار میں اساتذہ کی چھٹی رد کیے جانے پر وزیر اعلیٰ نتیش کمار پر حملہ بولتے ہوئے کہاکہ بہار حکومت نے امتیازی رویہ اختیار کیا ہے۔ مسلمانوں کو خوش کرنے کے لیے ایسا کیا جارہا ہے۔ اُنہوں نے کہاکہ حکومت اکثریتی فرقے کے تہواروں کے موقع پر اساتذہ کی چھٹی رد کر کے مذہبی عقائد کو ٹھیس پہنچانے میں لگی ہے۔ ہم بھی بہار میں معیاری تعلیم کی مانگ کرتے ہیں اور حکومت کا اس معاملے میں تعاون بھی کرتے ہیں، لیکن اسکا مطلب یہ نہیں کہ ہندؤں کے بڑے تہواروں کی چھٹی رد کر دی جائے۔ حکومت کا یہ عمل درست نہیں ہے، اس سے پہلے بھی تہوار کے موقع پر ایسا ہی کیا گیا تھا۔
- سرکاری اناج کی کالا بازاری میں استعمال ہونے والا ٹرک ضبط، ڈرائیور فرار
- نتیش کمار ہفتہ کو تیتر ریزر وائر کا افتتاح کریں گے
اس سے واضح ہے کہ ایک نظریہ کو حکومت فروغ دینے میں لگی ہے۔ اُنہوں نے اس دوران پترپکش میلہ کے تعلق سے بھی اپنے تاثرات کا اظہار کیا اور کہا کہ ہندؤ آبادی کا یہ ایک مذہبی رسم ہے، جہاں دعر دراز سے لوگ یہاں پنڈ دان کرنے آتے ہیں، لیکن جس طرح کی صفائی ستھرائی یہاں کی ہے، اس سے تو لگتا ہے کہ بہار کے باہر سے آنے والے عقیدت مند بہار کے تعلق سے اچھی شبیہ لیکر نہیں جاتے ہونگے۔ تالابوں کی حالت بھی ٹھیک نہیں ہے، تالابوں کا پانی گندا اور بدبو دار ہے۔
اُنہوں نے اس دوران گیا کو عالمی معیار کا شہر بنانے کے مطالبے کے ساتھ، بنارس کوریڈور کی طرح ہی گیا کو بنانے کی مانگ کی اور کہاکہ سبھی چیزوں پر وزیراعلی نتیش کمار بولتے ہیں لیکن گیا کے مذہبی مقام وشنو پد پر بات نہیں کرتے ہیں۔ اگر بی جے پی کی حکومت بنی اور اسکے وزیراعلی بنے تو یقینی طور پر وشنو پد کو کوریڈورسے جوڈیں گے۔
