بہار میں آئی سی آئی سی آئی فاؤنڈیشن کے تعاون سے ریاستی سنی وقف بورڈ کے ذریعے مسلم بچوں کے لیے ووکیشنل ٹریننگ کورس شروع کیا گیا ہے جہاں ان بچوں کو الیکٹریکل اینڈ ہوم اپلائنسز ریپیئر 'ریفریجریشن اینڈ اے سی ریپیئر' اور سیلنگ سکلز کی تربیت دی جارہی ہے، فاؤنڈیشن کا کہنا ہے کہ تربیت پوری ہونے کے بعد بچوں کو یہی سے ملازمت مل جاتی ہے، فاؤنڈیشن کے ذریعے اب تک چھ ہزار سے زائد بچے تربیت حاصل کرکے روزگار حاصل کرچکے ہیں۔
ریاستی سنی وقف بورڈ کے چیئرمین اور سی ای او محمد وجیہ الدین نے بتایا کہ فاؤنڈیشن کے ذریعے جون میں معاہدہ ہوا تھا جس کے تحت حج ہاؤس میں مفت رہائشی کوچنگ اور کھانے پینے کا نظم کیا گیا ہے جبکہ ایک بیچ میں 40 بچے ہیں اب تک دو بیچ کامیاب ہوچکے ہیں، تاہم تیسرے بیچ کے لیے درخواستیں آچکی ہیں، جو 17 دسمبر سے شروع ہوجائے گا۔
آئی سی آئی سی آئی اکادمی فار اسکلز کے سینٹر پر بچے مطمئن اور مصروف نظر آئے سب کے آنکھوں میں مستقبل کا خواب نظر آیا یہاں کی تربیت بچے بے خوش ہیں۔
اس طرح کے فلاحی کام کے بعد ریاستی سنی وقف بورڈ غریب مسلمان بچوں کے لیے مسیحا بن گیا ہے۔
