ضلع گیا کے دورہ پر وزیراعلی نتیش کمار آئیں گے یہاں وہ کمیونٹی سینٹر کی بنیاد رکھیں گے اور ساتھ ہی بی ٹی ایم سی کی نئی عمارت کا افتتاح کریں گے۔ وزیراعلی کی آمد کے موقع پر ضلع کے حفاظتی انتظامات کو مزید پختہ کردیا گیا ہے۔ بہار کے ضلع گیا میں کئی بڑے منصوبوں پر کام چل رہا ہے جس کے مکمل ہونے پر براہ راست اہل گیا کو فائدہ پہنچے گا۔ ان منصوبوں کے تحت ہونے والے کاموں اور انتظامی امور کے جائزہ کے ساتھ کچھ منصوبوں کا افتتاح اور سنگ بنیاد رکھنے کے لیے 8 ستمبر کو وزیر اعلی نتیش کمار گیا کے دورہ پر پہنچ رہے ہیں۔
نتیش کمار کے ساتھ کئی وزرا سمیت بہار کے چیف سکریٹری عامر سبحانی اور دیگر افسران شامل ہونگے ۔وزیراعلی کا گیا شہر میں کئی پروگرام ہے جس میں وشنو پتھ ، دیو گھاٹ ، کولرا ہسپتال ، بودھ گیا ٹیمپل منیجمنٹ ' بی ٹی ایم سی ' شامل ہے ۔گیا شہر میں ایک بڑے پروجیکٹ کے تحت کمیونٹی سینٹر کی سنگ بنیاد بھی وہ رکھیں گے ۔وزیراعلی نتیش کمار بذریعہ ہیلی کاپٹر گیا پہنچیں گے یہاں وہ منصوبوں کے افتتاح اور سنگ بنیاد کے بعد افسران کے ساتھ جائزہ اجلاس کریں گے۔
یہ بھی پڑھیں: Chehlam in Gaya گیا میں چہلم کے موقع پر کربلا میں سخت ترین حفاظتی انتظامات ہوں گے
ڈسٹرک مجسٹریٹ ڈاکٹر تیاگ راجن نے بتایاکہ تیاری پوری کرلی گئی ہے ۔وزیراعلی نتیش کمار کی آمد پر ٹریفک نظام میں بھی تبدیلی کچھ گھنٹوں کے لیے کی گئی ہے ۔حفاظتی انتظامات بھی پختہ ہوں گے۔
