ریاست بہار کے ضلع گیا میں ہندوستانی عوام مورچہ سیکولر کے صدر ڈاکٹر صبغت اللہ خان نے پارٹی سے استعفیٰ دے دیا ہے انہوں لوک جن شکتی رام ولاس پاسوان پارٹی کی رکنیت حاصل کی ہے۔ Sibghatullah Khan Join Lok Janshakti Party
اس موقع پر ان کی پارٹی کے قومی صدر و ایم پی چراغ پاسوان بھی موجود تھے۔ ڈاکٹر صبغت اللہ خان عرف ٹو ٹو خان نے ہندوستانی عوام مورچہ سیکولر کے ریاستی جنرل سیکرٹری و ریاستی وزیر سنتوش مانجھی کے علاوہ پارٹی کی اعلیٰ قیادت پر کئی سوال بھی کھڑے کیے ہیں۔ Sibghatullah Khan on Hindustani awam Morcha Party
ٹو ٹو خان نے کہا کہ 'جب بھی پارٹی کی اعلیٰ قیادت کے پاس اقلیتی ودلت طبقے کے مسائل کو لےکر پہنچتے تھے تو اعلیٰ قیادت اس پر نوٹس لینے کے بجائے خاموش رہنے کی ہدایت دیا کرتے۔'
واضح رہے کہ ہندوستانی عوام مورچہ سیکولر، سابق وزیر اعلیٰ جیتن رام مانجھی کی پارٹی ہے چونکہ مانجھی کا تعلق ضلع گیا سے ہے اور ان کی پارٹی کے چار رکن اسمبلی میں تین کا تعلق ضلع گیا سے ہے اور انہوں نے 2020 کے اسمبلی انتخابات میں گیا کی مختلف نشستوں پر جیت درج کی ہے۔
- یہ بھی پڑھیں: جیتن رام مانجھی مذہب سے متعلق متنازعہ بیان پر قائم
ڈاکٹر صبغت اللہ خان جیتن رام مانجھی کے نمائندہ کے طور پر بھی خدمات انجام دے چکے ہیں اب ان کے ساتھ درجنوں رہنما پارٹی سے استعفیٰ دے کر لوجپا میں شامل ہوگئے ہیں۔ ایسے میں کہا جارہا ہے کہ ہم پارٹی کو کافی نقصان ہوگا کیونکہ صبغت اللہ پارٹی کے بڑے رہنماؤں میں ایک تھے۔
